Monthly Archives: ខែ​មីនា 2011

Top Music Show 2010 មានចេញលក់ជា VCD ហើយ

ការប្រគុំតន្ត្រីរស្មីហង្សមាស Top Music Show 2010 ឥឡូវនេះមានចេញលក់ជា VCD ហើយ។ គួររំលឹកផងដែរថា ការប្រគុំតន្ត្រីនេះប្រព្រឹត្តឡើងនៅវិមានពហុកីឡាដ្ឋានជាតិអូឡាំពិក កាលពីថ្ងៃទី ២៤ ធ្នូ ២០១០ ដែលផលិតកម្មរស្មីហង្សមាស រួមសហការជាមួយអង្គការមូលនិធិ សូម៉ាលី ម៉ម និងអង្គការអាហ្វេស៊ីបកម្ពុជា បានបង្កើតឡើងដើម្បីអបអរសាទរទិវាប្រឆាំងនឹងអំពើជួញដូរមនុស្ស ១២ ធ្នូ ២០១០ ដែលទស្សនិកជនចូលរួមទស្សនាយ៉ាងច្រើនកុះករ។ ចុះចំណែក Best Of The Best 2011 តើលោកអ្នកត្រៀមខ្លួនហើយឬនៅជាមួយការប្រគុំតន្ត្រីនេះ?

Advertisements

Best Of The Best 2011 ត្រឡប់មកវិញហើយ


ការប្រគុំតន្ត្រីដ៏អស្ចារ្យប្រចាំឆ្នាំ ដែលគ្រប់ៗគ្នាកំពុងតែទន្ទឹងរង់ចាំនោះ ឥឡូវនេះបានត្រឡប់មកវិញហើយ គឺការប្រគុំតន្ត្រីហង្សមាស Best Of The Best 2011 ដែលធ្វើនិងរៀបចំឡើងដោយផលិតកម្មរស្មីហង្សមាស រួមជាមួយក្រសួងទេសចរណ៍នៃព្រះរាជាណាចក្រកម្ពុជា។ ព្រឹត្តិការណ៍នេះនឹងកើតឡើង នៅថ្ងៃទី ២៦ មីនា ២០១១ នៅពហុកីឡាដ្ឋានជាតិអូឡាំពិក។ សំបុត្រចូលរួមទស្សនាមានដាក់លក់នៅក្រុមហ៊ុនហង្សមាស សាខាចែកចាយហង្សមាស និងនៅពហុកីឡាដ្ឋានជាតិអូឡាំពិក។ គួរឲ្យសោកស្ដាយផងដែរ សម្រាប់តារាចម្រៀងដែលចូលរួមនៅក្នុងព្រឹត្តិការណ៍ឆ្នាំនេះ គឺមានតែ៨នាក់ប៉ុណ្ណោះ ដែលអវត្តមានតារាពីរដួង គឺកញ្ញាសុគន្ធ នីសា និង លោកណុប ប៉ាយ៉ារិទ្ធិ ដោយសារពួកគាត់ជាប់សម្ដែងនៅសហរដ្ឋអាមេរិក។ បើសិនជាមានពួកគាត់ទាំងពីរទៀត ការប្រគុំតន្ត្រីនឹងកាន់តែអធិកអធមជាងនេះ។

ទំព័រថ្មីស្រឡាងរបស់ពួកយើង

សំណួរកម្សាន្ត គឺជាទំព័រថ្មីមួយនៃប្លករបស់យើងខ្ញុំ ដែលប្រិយមិត្តទាំងអស់គ្នាអាចចូលរួមឆ្លើយនូវសំណួរងាយៗ ដែលក្នុងនោះមានសំណួរ ៤ ប្រភេទសម្រាប់ឲ្យប្រិយមិត្តជ្រើសរើសដើម្បីចូលរួមឆ្លើយកម្សាន្ត។ សូមកុំភ្លេច ចូលរួមឆ្លើយនៅថ្ងៃនេះ ដើម្បីបង្កើននូវចំណេះដឹងថ្មីៗទាំងអស់គ្នា។